Ел қоржынында 9 медаль бар
Самбодан әлем чемпионатының екінші күнінде қазақстандық балуандар ұлттық құрама қоржынына тағы екі күміс пен үш қола медаль салды, деп хабарлайды Almaty-akshamy.kz Zakon.kz сайтына сілтеме жасап.
Ажар Салықова (65 келі) мен Ділдәш Құрышбаева (72 келі) жеңіс тұғырының екінші сатысына көтерілді. Үш жігіт қола жүлдені иеленді: Айдын Дартаев (79 келі), Нұркен Домбаев (58 келі) және Әділбек Сейісов (64 келі).
Ташкенттегі екі күнге созылған жарыстан кейін қазақстандық самбошылардың қоржынында 9 медаль бар – екі алтын, үш күміс және төрт қола. Әлем чемпионаты 14 қарашада аяқталады.