Мемлекеттік кірістер комитеті салық талабын қанша блогер орындамағанын мәлім етті.
Камералық бақылау нәтижесінде комитет 854 блогерге қатысты 2022-2023 жылдары кезеңі үшін 71,9 млрд теңгеге табысын төмендетуіне орай 1 586 хабарлама жіберген, деп хабарлайды aqshamnews.kz.
Биыл 4 маусымдағы жағдай бойынша 394 блогер қосымша нысан ұсынып, 11,8 млрд кірістерін декларациялаған. 0,64 млрд теңге салық төлеген.
— Бүгінде камералық бақылаудың бұған дейін жіберілген хабарламасын орындамағаны немесе толық орындамағаны үшін блогерлерге қатысты салықтық тексеру тағайындау іс-шаралары жүргізіліп жатыр. Бұл ретте олардың төртеуіне қатысты 2,2 млрд теңге сомасындағы кірісті төмендету фактісі бойынша тексеру туралы бұйрық енгізілді, — деді комитеттен агенттіктің ресми сауалына орай.