«Сайран» көлінің түбін (ауданы-50 га) тұнба шөгінділерінен механикалық тазарту аяқталды.
Бұл туралы Алматы әкімі Ерболат Досаевтың Әуезов ауданы тұрғындарымен өткен кездесуінде белгілі болды, деп хабарлайды Almaty-akshamy.kz.
Бүгінгі күні көл аумағын реконструкциялау және абаттандыру бойынша конкурстық рәсімдер жүргізілуде. Құрылыс жұмыстарын биыл қазан айында бастауды жоспарланып отыр.
Жасыл аймақтардың суарылуын ұлғайту үшін ұзындығы 38 км 13 магистральды көше бойына автоматты суару жүйесін орнату жоспарлануда (жобалаушы – «Бірлестік» ЖШС). Бүгінгі таңда жобалау-сметалық құжаттама әзірленуде (жобалау-сметалық құжаттамаға, мемлекеттік сараптамаға, автоматты суару жүйесін жайластыруға 99,3 млн. теңге бөлінді.). Құрылыс-монтаждау жұмыстары 2024 жылдың II-ші тоқсанында басталып, IV-ші тоқсанында аяқталады деп күтілуде.