Алматыда Құрылтай депутаттарын сайлау жалғасып жатыр, – деп хабарлайды aqshamnews.kz тілшісі.
Дауыс берумен қатар қала тұрғындары үшін түрлі танымдық әрі ойын-сауық шаралары ұйымдастырылуда.
Таңғы сағат 08:00-ден бастап Жетісу ауданындағы №334 және Түрксіб ауданындағы №432 сайлау учаскелерінде тұрғындар ұлттық ойындарға қатысып жатыр. Алматылықтар асық ату, ләңгі тебу, арқан тарту, бес асық және басқа да дәстүрлі қазақ ойындарынан бақ сынауда.
Ойын алаңдарына әр жастағы тұрғындар жиналды. Бірі сайыстарды қызыға тамашаласа, енді бірі ойынға өзі қосылып, ептілігі мен шеберлігін сынап көрді.
Мұндай іс-шаралар тұрғындарға сайлау күнін ерекше өткізуге ғана емес, ұлттық ойындар мен халқымыздың дәстүрін жақынырақ танып-білуге мүмкіндік береді.