«Мирас-Астана» халықаралық мектебінің оқушысы Саяжан Жақсығалиева Лос-Анджелесте өткен Regeneron ISEF – 2024 ірі ғылыми-инженерлік байқауында жеңіске жетті. Король Абдул-Азиз негізін қалаған «Мавхиба» қорынан жеңімпаз Король Фахд атындағы Мұнай және пайдалы қазбалар университетінде оқуға грант ұтып алды, деп хабарлайды аlmaty-akshamy.kz.
«Мен мұндай жоғары марапатқа ие болады деп күткен жоқпын. Жеңімпаздар жарияланған кезде қатты уайымдадым. Химия және инженерия санатында тағы екі қатысушы болды. Менің атым аталған кезде мен оны түсінбедім, өйткені оны Саясан Заксигалева айтқан (күледі). Сондықтан кімнің атын атап жатқанын маған түсіну қиын болды. Содан кейін өз атымды үлкен экранда көріпе қатты таң қалдым. Қуаныштан төбем көкке екі жетпей қалды!», - деп Саяжан өз әсерімен бөлісті.
Regeneron ISEF-13 пен 18 жас аралығындағы оқушылардың ғылыми және инженерлік жетістіктерінің дүниежүзілік байқауы. Ол жас ғалымдарды анықтауға және қолдауға, қолданбалы және іргелі ғылымдар саласындағы зерттеулерді дамытуға бағытталған. Байқауға әлемнің 70-тен астам елінен барлығы 2000 оқушы қатысты. Саяжан Жақсығалиева ауыр металдардан суды тазарту үшін табиғи полисорбент диатомитін қолдануды ұсына отырып, химия және инженерия бойынша ғылыми жобаны ұсынды. Жоба идеясын химия пәнінің мұғалімі Асылхан Жұмат ұсынды.
«Әрбір оқытушы үшін оқушының жетістіктері оның мансабындағы ең маңызды көрсеткіш болып табылады. Саяжан жеңген кезде менің бойымды мақтаныш сезімі биледі. Әр мұғалімге мұндай жағдайды бастан кешіру мәртебесі берілмейді», - деп бөлісті Асылхан Жұмат.