Шағын реакторларды қуатына қарай үшке бөлуге болады: үлкен реакторлар (700 МВт), кіші модульді реакторлар (300 МВт) және мини реакторлар (10 МВт).
Қуаты 300 МВт-қа дейінгі шағын реакторларды жел, күн, су станцияларымен қатар электр энергетикасында қолдануға болады. Елімізде ескірген 37 көмір ЖЭО барын ескерсек, бұл жұмыстарды тездету қажет.
Шағын модульді реакторлар арқылы коммуналдық шаруашылықта көмір мен газды, өнеркәсіпте көмір мен мұнай өнімдерін алмастыруға болады. Сонымен қатар, көлік саласында электромобильдер мен сутегі отынын енгізуді ойластыру керек.
Энергетиканың жаңа түріне көшуде КМР-лардың бірқатар артықшылығы бар: оларды 3-4 жылда тез салуға болады, тұрақты түрде электр энергиясын береді, когенерацияға бейім, яғни электрмен қатар жылу энергиясын да өндіреді.
Сонымен қатар, көмір станцияларын алмастырған кезде 30% қаржы үнемделеді, әрі шағын реакторлардың құрылысы да ыңғайлы. Бір рет салып алғаннан кейін тек оның өзегін ауыстырып отыру жеткілікті.