Роман Скляр: Енді утиль алымыи туралы сөз қозғамаймын
Бүгін Премьер-Министрдің орынбасары Роман Скляр утиль алымы жойылмайтынын байқатты, деп хабарлайды Almaty-akshamy.kz Elorda.info-ға сілтеме жасап.
«Мен бұл мәселе жөнінде бір емес, бірнеше рет пікірімді білдірдім. Бұл тақырыпты бұдан былай қозғамайтынымды атап өтейін, өйткені бұл бәріміз үшін де, сіздер үшін де бесенеден белгілі шаруа. Бірақ бүгін тағы да айтамын: популистер кез келген уақытта айтсын, акцияларды өткізе берсін. Бірақ Үкімет өнеркәсіпті дамыту үшін жұмыс істейді», - деді Р.Скляр.
Оның айтуынша, басты міндет – сапалы әлі өнімділігі жоғары жұмыс орындарын құру. Сондай-ақ ол, мемлекет жастарды оқытып, олар заманға сай кәсіпорындарда жұмыс істеуі керектігін айтты. Қазақстан тек азық-түлік және көлік саласында ғана емес, өнеркәсіптік қауіпсіздік тұрғысынан да тәуелсіз болуға тиіс екенін де жеткізді.