Ресейдің Су-35 жойғыш ұшақтары Қазақстан Президентінің бортын Мәскеуге дейін қатар ұшты, - деп хабарлайды Aqshamnews.kz тілшісі Ақордаға сілтеме жасап.
"Мемлекеттік шекарадан өткен сәттен Мәскеу әуежайына қонғанға дейін Ресейдің әуе кеңістігінде Қазақстан Президентінің бортымен бірге РФ Қорғаныс министрлігінің Су-35 ұшақтары қапталдасып ұшты", - деп жазылған хабарламада.
Президенттің баспасөз қызметі әскери ұшақтардың жанында ұшқан борттың фото және видеоларын Telegram-арнада жариялады.