Мемлекеттік кірістер комитеті 2024 жылғы 13 желтоқсанға қараған түннен бастап «Сырым» автокөлік өткізу пунктінде Ресей Федерациясына қарай 450-500 жуық жүк көлігінің жиналғанын хмәлім етті, деп хабарлайды aqshamnews.kz.
Жүк көліктерінің жиналуы 2024 жылдың 12 желтоқсанынан бастап Батыс Қазақстан облысы мен Ресей Федерациясының Самара облысының аумағында ауа-райының нашарлауына байланысты туындаған — қалың қар, боран, көктайғақ.
Ресей Федерациясындағы федералды трассалар бойынша қозғалыс уақытша шектелген, және Ресей ТЖМ мәліметтері бойынша шектеулер шамамен 2024 жылдың 13 желтоқсанында сағат 22:00-ге дейін созылады. Осыған байланысты, жүк көліктерінің қозғалыс бағыты бойынша жүріп өту мүмкіндігі жоқ және олар ауа-райының жақсаруын күтуде.
Аталған жағдай бойынша жүргізушілерге түсіндірме жұмыстары жүргізілуде, яғни кемпингтерде ауа-райының жақсаруын күту немесе басқа облыстардағы жақын маңдағы өткізу пункттері арқылы маршрутты өзгерту ұсынылады.