Жетісу ауданында 47 референдум учаскесі бар. Олардың біреуі ,,Көкмайсадағы" әскери мекеме болғандықтан, жабық мекеме болып саналады.
Жетісу ауданындағы барлық тұрғын үйлер мен жекеменшік секторларға референдумға шақыртулар таратылды. Сондай-ақ, референдумның 429 мүшесі бар. Олардың 7-еуі - аудандық комиссия мүшелері.
Референдумның басты кеңсесі №112 мектепте орналасқан. Барлық референдум учаскелерінде пандустар бар. Тұрғындардың таңдау жасауына барлық жағдай жасалған.
- Алғаш рет референдумға қатысушыларға естелік қойын кітапшалар тарту етеміз. Отбасымен келіп алғаш болып таңдау жасағандарға аудандық ардагерлер кеңесінің сыйлығы бар, - дейді Жетісу аудандық референдум комиссиясының басшысы Жаннат Шарапханқызы.