Кеше Мемлекет басшысы Қасым-Жомарт Кемелұлы Тоқаев референдум қорытындысы бойынша Қазақстан халқына арналған ел болашағы үшін маңызды үндеуін жариялады.
Бұл туралы «AMANAT» партиясы Алматы қалалық штабының мүшесі Бақытбек Жұмабаев айтты, деп хабарлайды Almaty-akshamy.kz.
Өткен референдумда Қазақстан халқының басым бөлігі Президентіміздің ұсынған реформаларын қолдап дауыс берді. Бұл еліміздің ауызбірлігі мен кемел келешекке деген ұмтылысының айқын көрінісі деп білемін.
Мемлекет басшысы үндеуінде халық қамын қорғауды күшейтуге арналған кешенді бағыттарды және нақты істер қатарын айтып өтті. Олардың қатарында:
- Ел мүддесіне жұмыс істейтін мемлекеттік жүйе мен аппарат.
- Экономиканы монополиядан арылту.
- Баршаға тең мүмкіндіктер беру.
- Заңдарды жетілдіру.
Референдумдағы халық шешімі Жаңа Қазақстанның негізін қалайтын мәйек деп білемін.
Әділетті және берекелі Қазақстанды құру жолында баршамыз бірлесіп еңбек етейік.