30 қыркүйекте Алматыдағы Орталық стадионда "Қайрат" футбол клубы "Реалмен" кездеседі. Испаниялық клубтан Қазақстанға кімдер келетіні белгілі болды, - деп хабарлайды Аqshamnews.kz тілшісі.
"ЖаркOFF" Telegram-арнасының мәліметінше, УЕФА-дағы дереккөз "Қайратқа" қарсы Чемпиондар лигасының ойынына "Реалдың" жарақат алған ойыншыларынан басқа барлық жұлдызы келетінін растаған.
Құрамда Тибо Куртуа, Килиан Мбаппе, Винисиус, Федерико Вальверде, Арда Гүлер, Родриго және басқа да атақты футболшылар бар.
Автордың айтуынша, ол тізімді өз көзімен көрген, бірақ әзірге жариялай алмайды. Дегенмен ақпаратқа кепіл болатынын айтады.
Еске салайық, бұған дейін "Қайрат" қақпасын "Реалға" қарсы ойында кім қорғайтыны туралы сұраққа бас бапкер Рафаэль Уразбахтин жауап берген еді.