"Қайрат" қақпасын "Реалға" қарсы ойында кім қорғайтыны туралы сұраққа бас бапкер Рафаэль Уразбахтин жауап берді, - деп хабарлайды Aqshamnews.kz тілшісі.
Алдағы "Қайрат" пен Мадридтік "Реал" арасындағы матч алдында қақпаны кім қорғайтынын бас бапкер Рафаэль Уразбахтин айтты.
"Бізде үш қақпашы бар екенін ұмытып кетпеңіздер. Қазір жарақат алған Заруцкий мен Анарбековтің жағдайы жақсарып келеді. Олар жақын күндері жаттығуға оралуы мүмкін. Алайда бірден ойынға қатысады деп болжау қиын. Ал Қалмұрзаның ойынына өздеріңіз куә болдыңыздар. Қақпаға нақты кім шығатыны алдағы күндері шешіледі", - деді Уразбахтин.
Демек, "Реалға" қарсы жауапты кездесуде қақпашы таңдауында интрига әлі де сақталып отыр. Қорытынды шешімді клуб жаттықтырушылар штабы соңғы дайындықтарға қарай қабылдайды.