Қызылорда облыстық Сейілбек Шаухаманов атындағы №9 дарынды балаларға арналған облыстық «Білім-инновация» лицей-интернатының 11-сынып оқушысы Арен Теңізбаев Ресей Федерациясының Мәскеу қаласында өткен 60-шы халықаралық Менделеев олимпиадасында алтын медаль иегері атанды, – деп хабарлайды aqshamnews.kz тілшісі Оқу-ағарту министрлігінің баспасөз қызметіне сілтеме жасап.
Қызылорда облыстық Сейілбек Шаухаманов атындағы №9 дарынды балаларға арналған облыстық «Білім-инновация» лицей-интернатының 11-сынып оқушысы Арен Теңізбаев Ресей Федерациясының Мәскеу қаласында өткен 60-шы халықаралық Менделеев олимпиадасында алтын медаль иегері атанды, деп хабарлайды Jambylinfo.kz
Химиядан әлемдегі ең беделді олимпиадалардың бірі саналатын International Mendeleev Chemistry Olympiad байқауына 37 елден, атап айтқанда Қазақстан, Сауд Арабиясы, Шри-Ланка, Солтүстік Македония, Израиль, Түркия, Әзербайжан, Иордания, Коста-Рика, Тайланд, Египет, Өзбекстан, Куба, Чад Республикасы, Моңғолия, Түрікменстан, Бразилия, Армения, Тәжікстан, Камерун, Бангладеш, Вьетнам, Ботсвана, Нигерия, Беларусь және Қытай елдерінен 200-ге жуық мектеп оқушысы қатысты.
Қазақстан құрамасы сайыста 1 алтын, 4 күміс және 5 қола медаль жеңіп алды.
Алтын медаль:
Теңізбаев Арен - Қызылорда облыстық Сейілбек Шаухаманов атындағы №9 дарынды балаларға арналған облыстық «Білім-инновация» лицей-интернатының 11-сынып оқушысы.
Күміс медаль:
Жақсылықов Ансар - Астана қаласы Spectrum International School мектебінің 11-сынып оқушысы;
Жеңісханова Айзере - Өскемен қаласындағы жаратылыстану-математика бағытындағы Назарбаев Зияткерлік мектебінің 11-сынып оқушысы;
Қалдыбай Меңдіғали - Астана қаласы Spectrum International School мектебінің 11-сынып оқушысы;
Сейітқазиев Нұрсейт - Дарынды жасөспірімдерге арналған Ақтөбе облыстық мамандандырылған «Білім-инновация» лицей-интернатының 10-сынып оқушысы;
Қола медаль:
Полетаев Данил - Алматы қаласындағы №134 лицейінің 11-сынып оқушысы;
Қали Әбілмансұр - Астана-Нұра физика-математика бағытындағы Назарбаев Зияткерлік мектебі;
Айтжанов Алидар - Қарағанды қаласындағы жаратылыстану-математика бағытындағы Назарбаев Зияткерлік мектебінің 11-сынып оқушысы;
Ибраимов Абдижан - Астана қаласындағы халықаралық NURORDA мектеп-лицейінің 10-сынып оқушысы;
Махмутов Мансур - Алматы қаласындағы «Мирас» халықаралық мектебінің 12-сынып оқушысы.
Жүлдегерлерді дайындаған жетекшілер - PhD, Қазақ ұлттық университетінің аға оқытушысы Бақытжан Елдана және «Қазақ-неміс тұрақты инженерия институты» мекемесінің 2-курс студенті Сәрсенбай Айдос.