Қызылорда облысына жұмыс сапары барысында ҚР Экология және табиғи ресурстар министрі Ерлан Нысанбаев өңірдегі қатты тұрмыстық қалдықтарды (ҚТҚ) қайта өңдеу полигонының құрылыс барысымен танысты. Бұл шаралар Мемлекет басшысының тапсырмасымен жүзеге асырылып жатқан «Таза Қазақстан» ұлттық бастамасының аясында қолға алынуда.
Қазіргі таңда Қызылорда облысында жылына орта есеппен 303 мың тонна ҚТҚ шығарылады, оның 30,1%-ы қайта өңделеді. ҚТҚ жинау және әкету қызметтерімен өңір тұрғындарының 71,5%-ы қамтылған.
Облыс бойынша:
-
8 елді мекенде ҚТҚ-ны бөлек жинау жүйесі енгізілген;
-
8 елді мекенде сұрыптау жұмыстары жүргізіледі;
-
Қалдықтарды бөлек жинау, сұрыптау және қайта өңдеумен айналысатын 17 кәсіпорын жұмыс істейді.
Сонымен қатар, «Жасыл Даму» АҚ және «Өнеркәсіпті дамыту қоры» АҚ бірлесіп, 9 жаңа кәсіпорын салуды жоспарлап отыр. Олар қалдықтарды сұрыптау және қайта өңдеуді жандандыруға бағытталған.
Қазіргі таңда облыс аумағында 145 ҚТҚ полигоны бар. 2021–2024 жылдары:
-
Арал қаласында,
-
Тереңөзек кентінде,
-
Қызылорда қаласында
3 полигон мен 2 қоқыс сұрыптау кешені салынды.
Алдағы уақытта Арал (Сексеуіл), Жалағаш, Шиелі және Жаңақорған аудандарында жаңа сұрыптау кешені бар полигондар салу жоспарланған.
Бүгінгі күні Қызылорда қаласында жаңа қалдықтарды сұрыптау зауытының капсуласы ресми түрде салынып, жоба құрылысын бастауға алғашқы қадам жасалды. Капсула салу рәсіміне Экология министрі Ерлан Нысанбаев пен облыс әкімі қатысты.