Цифрлық даму, инновациялар және аэроғарыш өнеркәсібі вице-министрі Досжан Мұсалиевке Қазақстан билігі қыздар.нет сайтын неге бұғаттай алмай отырғаны туралы сұрақ қойылды, деп хабарлайды aqshamnews.kz
Бірақ Ulysmedia.kz тілшісі жолдаған сұраққа нақты жауап берілген жоқ.
Мұсалиевтің сөзінше, ақпараттық қауіпсіздік екі бөліктен тұрады.
Біріншісі контент қауіпсіздігі. Екіншісі киберқауіпсіздік. Біздің министрлік киберқауіпсіздікке жауап береді. Менің білуімше, бұл сайттарға қатысты сұрақтармен (қыздар.нет) ақпарат және мәдениет министрлігі айналысады. Олар контент заңға қайшы келген жағдайда оларды бұғаттайды, дейді Мұсалиев.
Вице-министр ведомство адамдардың қауіпсіздігін қалай қорғайтынын түсіндіруге тырысты.
Ақпараттық жүйелердің қауіпсіздігіне сол жүйелердің басшылары жауапты. Біз министрлік ретінде тиісті заңдарды қабылдап, олардың орындалуын қадағалаймыз. Ал тергеу барысында жеке деректер шығып кетіп жатса, әрине тексеру қажет. Ол туралы тиісті органдарға хабарлау керек. Егер ол әкімшілік бұзушылық болса біз жауаптымыз. Ал құқық бұзу жағынан болса киберполиция, ішкі істер министрлігі жауапты. Біздің сарапшылардың ішкі істер министрлігі тергеу топтарына таратады. Бірақ тергеудің өзі де құпия жүреді, сондықтан сарапшылар бізге ақпарат бере алмайды, дейді вице-министр.