Тест оң нәтиже берсе, туристер жеті күн бойы оқшауланады.
Биылдан бастап Францияға барғысы келетін қытайлық туристер маска тағып, ПТР тест тапсыруға міндетті, деп хабарлайды Аlmaty-akshamy.kz Euronews сілтеме жасап.
Туристер рейстің ұшуына 48 сағаттан аз уақыт қалғанда ПТР немесе антиген талдауын ұсынуы керек. Мұндай шаралар 31 қаңтарға дейін енгізілді.
«Бұл - бақылау азаматтардың ел аумағына кіруіне жол бермеу үшін жасалған бақылау емес, бұл әртүрлі нұсқаларды дәл анықтауға мүмкіндік беретін ғылыми тәсіл. Мұны Қытайда кең таралған омикрон штамы үшін жасап отырмыз», - деп атап өтті Францияның Денсаулық сақтау министрі Франсуа Брон.
Франция бұл шешімді Ұлыбритания, Италия немесе АҚШ сияқты Қытайда коронавирустық инфекция жағдайларының өршуіне байланысты қабылдады. Қытай желтоқсан айының басында шектеу шараларын алып тастаған болатын.
Апта сайын Қытайдан және Гонконгтан Францияға рейстер келеді. Олардың басым бөлігі Париждегі Руасси Шарль Де Голль әуежайына қонады. Туристерді ең әуелі 2Е терминалында тексеру орталығының агенттері анықтайды. Егер тест оң нәтиже берсе, олар 7 күн бойы оқшаулануы тиіс.