Қытайда жер сілкінісінен қаза тапқандар саны 200-ге жақындады

Қытайда жер сілкінісінен қаза тапқандар саны 200-ге жақындады Сурет: Xinhua/Ma Xiping

Қытайдың солтүстік-батысындағы Ганьсу және Цинхай провинцияларында болған жер сілкінісінен қаза тапқандар саны 200-ге жақындап қалды. Бұл туралы Қытайдың орталық телеарнасынан мәлімдеді, деп хабарлайды аlmaty-akshamy.kz.  



Ганьсу провинциясында қаза тапқандар саны қазір 105 адамға жетті, ал Цинхай провинциясында 11 адам қайтыс болды. Бұған дейін Қытайдың жоғарыда аталған екі провинциясында 300-ден астам адам құрбан болғаны туралы хабарланған. 


ҚХР төрағасы Си Цзиньпин адамдарды іздестіру және құтқару, сондай-ақ Ганьсу провинциясындағы жер сілкінісінің салдарын жою үшін барлық күш-жігерді жұмсауға шақырды.


ҚХР Мемлекеттік кеңесі зардап шеккен аймақтарға көмек көрсету жұмыстарын жүргізу үшін арнайы жұмыс тобын жіберді.


Іздестіру-құтқару жұмыстары күрделі метеорологиялық және географиялық жағдайларға байланысты қиындап жатыр. Жер сілкінісі болған кезде түнде ауа температурасы -15 градусқа дейін төмендеген. Синоптиктердің болжамынша, жер сілкінісі болған аймақта алдағы 10 күнде ауа температурасы күндіз 5 градусқа дейін көтеріліп, түнде -14 градусқа дейін төмендеуі ықтимал.


Магнитудасы 6,2-ге дейін жеткен жерасты дүмпулері Ганьсу провинциясының Цзишишань-Баоань-Дунсян-Салар автономиялық округінде тіркелді. Ошағы 10 км тереңдікте болған.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

19:44

19:41

16:59

16:30

15:35

15:08

15:01

14:53

13:47

13:05

12:55

12:52

12:47

12:30

12:18

12:14

12:07

11:30

11:10

11:04

10:58

10:55

10:49

10:44

10:40