Қытайдың солтүстік-батысындағы Ганьсу провинциясында 5,6 балдық жер сілкінісі болды, - деп хабарлайды aqshamnews.kz тілшісі 24.kz-ке сілтеме жасап.
Зілзала 10 шақырым тереңдікте тіркелді. Эпицентрі Ланьчжоу округінен оңтүстік-шығысқа қарай 140 шақырым қашықтықта орналасқан.
Зілзала салдарынан ондаған үйдің қабырғасы сөгіліп, төбесі құлап түскен. Тағы жүздеген тұрғын үйге зақым келді. 7 адам ауыр жарақат алды. Апат аймағында іздестіру-құтқару жұмыстарына 200 маман мен 28 техника жұмылдырылған.