Ел билігі мұндай шешімді мамыр айында қабылдаған болатын.
Бұдан былай қытайлық отбасыларға үшінші баланы дүниеге әкелуге рұқсат берілді, деп хабарлайды Almaty-akshamy.kz 31-арнаның Информбюро ақпараттық бағдарламасына сілтеме жасап.
Үкімет енді екі баладан көп сәбиді дүниеге әкелген отбасыларға айыппұл салмайды. Жаңа заңнамаға сәйкес, үшінші баласын босанатын аналарға, керісінше, қолайлы жағдай жасалады. Енді Қытайдағы қоғамдық жерлерде, тіпті жұмыс орындарында ана мен балаға қажетті құрал-жабдықтар мен арнайы бөлмелер болды.
Айта кету керек, бес жыл бұрын Қытай үкіметі тек екінші баланы тууға заңмен рұқсат берген еді. Қазіргі уақытта Қытайда 14 жасқа толмаған 253 миллион бала бар, бұл бүкіл халықтың 18 пайызын құрайды.