Almaty-akshamy.kz сайтында бүгінгі жарияланған жаңалықтарға шолу – күн керуені
Жер Ана қатты ашулы...
Бүгін Алматыда екі рет жер сілкінісі тіркелді. Бірінші жерасты дүмпуі сағат 03:03 кезінде болды. Екіншісі таңғы 04:27 кезінде. Екеуі де Алматыдан оңтүстік-шығысқа қарай Қытай аумағында тіркелген.
2 кісі қаза тауып, 5 адам жараланды
Қарағанды облыстық ТЖД хабарлауынша, 30 қаңтарда сағат 00:07-де Бұқар жырау ауданы Ботақара ауылында болған жарылыстың үйіндісінен 2 өлі және 5 жаралы адам табылды. Құтқару жұмыстары аяқталды.
Майя Манезаның күйеуі қайтыс болды
Қазақстан чемпионаттарында бірнеше рет топ жарған, әлем чемпионаттарына да қатысқан Вячеслав Ершов 2013 жылы әлемнің екі дүркін чемпионы Майя Манезаға үйленген. Олардың ұлы бар.
Алматылық композитор Еуропаға өнерін паш етеді
«Қазақтың Моцарты» атанған алматылық талантты композитор Рахат-Би Әбдісағиннің жаңа операсының әлемдік премьералары Ұлыбританияның 4 қаласында өтеді.
Рахат-Би Әбдісағин дәл қазір 150-ден астам музыкалық шығармалардың, соның ішінде ауқымды симфониялардың авторы.
Қаңтардағы қарулар
Әлі де табылып жатыр.
Мамандардың айтуынша, Алматыда табылған қару-жарақ ұрланған.
Садырдың сапары
Қырғызстан президентінің Қазақстанға ресми сапары туралы Қазақстан Республикасы мен Қырғыз Республикасы Сыртқы істер министрлерінің кездесуінде айтылды.
Қазақ-Өзбек туризмі
Екі елдің арнайы жасаған «Жол картасының» мақсаты – Түркі мемлекеттері арасындағы тығыз достық қарым-қатынасты нығайту мен туристер ағынын ұлғайту. Зиярат туризмін дамыту мақсатында шекарадағы өткізу бекеттерінде келушілер үшін қолайлы жағдай жасау көзделген. Қазақстан мен Өзбекстан арасында автобус рейстерінің санын ұлғайту да жоспарда бар.
«Сайлауға барамын...»
Қырғызстан президенті Садыр Жапаров 2026 жылы екінші мерзімге сайлауға түсуді жоспарлап отыр. Бұл туралы оның баспасөз хатшысы Асқат Алагөзов әлеуметтік желідегі парақшасында жазды.