Себебі қар көшкіні қаупі сақталады.
Алматылық құтқарушылар қала тұрғындары мен қонақтарын алдағы күндері тауға шықпауға шақырды, деп хабарлайды Almaty-akshamy.kz.
«Жылымықтың әсерінен қар жамылғысы тұрақсыз және биік. Осыған байланысты 5-8 сәуір аралығында Кіші және Үлкен Алматы су алаптарында қар көшкіні қаупі сақталады. Осыған орай, қала тұрғындары мен қонақтарына таулар мен қарлы тік жартастарға шықпауға кеңес береміз. Тауда абай болыңыздар», - делінген Алматы қалалық төтенше жағдайлар департаменті таратқан хабарламада.
Естеріңізге сала кетcек, 4 сәуір күні «Қазгидромет» еліміздің қалаларында қалыптасатын ауа сапасы туралы мәлімет ұсынған болатын. Бұл мәлімет бойынша, Нұр-Сұлтан, Шымкент, Ақтау, Қарағанды, Теміртау қалаларымен қатар, Алматы қаласында да қолайсыз метеорологиялық жағдай күтіледі.