2024 жылғы 28 қазанда Астанадағы мамандандырылған ауданаралық қылмыстық сотта судья Айжан Көлбаева марапатталды. Естеріңізде болса, ол бұрынғы Ұлттық экономика министрі Қуандық Бишімбаевтың ісі бойынша сот процесін жүргізген болатын.
Судья Айжан Көлбаева ұзақ жылдар бойы сот жүйесінде жемісті және мінсіз қызмет атқарғаны, сондай-ақ оның дамуына қосқан елеулі үлесі үшін Жоғарғы Соттың «Мінсіз қызметі үшін» II дәрежелі медалімен марапатталды.
Марапатты Айжан Көлбаеваға Астана қаласы бойынша қылмыстық істер жөніндегі сот алқасының міндетін атқарушы Айсұлу Сламбекова табыстады. Ол судьяның өз ісіне адалдығын атап өтіп, алдағы қызметіне табыс тіледі.