Қазақстан темір жолы (ҚТЖ) дирекциясының автоматтандыру және цифрландыру бөлімінің экс-басшысы Салмен Амрин төрт жыл сегіз айға бас бостандығынан айырылып, мүлкі тәркіленгені жайында «Орда» ақпарат агенттігі жазды, деп хабарлайды aqshamnews.kz.
Сондай-ақ, Амринге өмір бойы басшылық қызметті атқаруға тыйым салынды.
ҚТЖ-ның жүргізген тексеру барысында ұлттық компанияның филиалында «өлі жандарды» жұмысқа орналастыру фактілері анықталған. Анықталған жайға қатысты материалдар құқық қорғау органдарына тапсырылған.
Тергеу барысында 21 миллион теңге көлемінде шығын келгені дәлелденді. Тексеру нәтижесінде, формальды түрде жұмысқа орналастырылған адамдар филиал басшысының тапсырмасымен жеке тұрғын үй құрылысын жүргізуге қатысқандығы анықталды.