Үкімет Аппараты орталық және жергілікті атқарушы органдардың қызметін үйлестіретін орган болады.
«ҚР Премьер-Министрінің Кеңсесі» мемлекеттік мекемесі «ҚР Үкіметінің Аппараты» мемлекеттік мекемесі болып қайта құрылды, деп хабарлайды Аlmaty-akshamy.kz Ақорданың баспасөз қызметіне сілтеме жасап.
Мемлекет басшысы «Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Жарлыққа қол қойды.
«Үкімет Аппараты:
1) орталық және жергілікті атқарушы органдардың қызметін үйлестіруді;
2) ҚР Премьер-Министрі мен Үкіметінің қызметін ұйымдастырушылық-құқықтық, сараптамалық-талдамалық, кадрлық, ақпараттық және материалдық-техникалық жағынан қамтамасыз етуді жүзеге асыратын мемлекеттік орган болады», - деп жазылған құжатта.