Қостанайда таксиден құлап кеткен 65 жастағы зейнеткерді көлік басып кетті, - деп хабарлайды Аqshamnews.kz тілшісі ng.kz-ке сілтеме жасап.
Оқиға 1 қазанда сағат 16:42-де Алтынсарин мен Гоголь көшелерінің қиылысында болды.
Бейнежазбада такси бұрылып жатқанда есігі ашылып кетіп, салоннан жолаушы әйел құлап түскені көрінеді. Артынан келе жатқан көлік жүргізушісі тежеп үлгермей, әйелді басып өткен.
Зардап шеккен әйел тірі қалды. Ол қала ауруханасына жеткізілді. Дәрігерлер оның жағдайын орташа ауыр деп бағалап отыр, зейнеткер есін біледі.
Қостанай облыстық Полиция департаментінің баспасөз қызметі жол апаты бойынша әкімшілік іс қозғалғанын мәлімдеді. Жиналған материалдар сотқа жолданбақ. Ал такси жүргізушісі жолаушы тасымалдау ережесін бұзғаны үшін жауапқа тартылды.