Қостанай аудандық сотында киік мүйіздерін заңсыз сақтап, тасымалдау ісі қаралды, бұл мемлекетке ірі залал келтірді, деп хабарлайды aqshamnews.kz
Айыпталушы Астанадан Қостанайға киік мүйіздерін жеткізуге тырысып, жүргізуші жалдаған. Алайда, Аулиекөл тас жолында полиция қызметкерлері көлікті тоқтатып, оның ішінен 823 киік мүйізін тапты. Мемлекетке келген залал екі миллиард теңгеден асты.
Прокурор айыпталушыны 10 жылға бас бостандығынан айыруды сұрады, алайда айыпталушы өз кінәсін мойындамады.
Сот айыпталушыны 8 жылға бас бостандығынан айырып, аңшылықпен айналысуға 5 жылға тыйым салды.