Пәсапалық дүние
Қожанасыр жайлы әңгіме, әзіл-қалжың жетерлік. Тіпті ойын-сауыққа қатысты құрылғандары да бар. Бала кезімнен естіп өскен қуақы қалжыңы есіме түсіп отыр.
Бір күні біреулер Қожанасырдан сұрапты:
– Қожеке, неге осы адамдар бірімен-бірі араласып, әрлі-берлі жүреді?
Қожанасыр сонда:
– Айналайын-ау, бәрі бір жаққа жүрсе жер төңкеріліп кетеді ғой, – деп жауап берген екен.
Байқасаңыз, әрдайым көңіл-күй түскенде еске алсаңыз, ғажап бір демеуші болып, жадырап қаласыз. Бүгіндері ойыма алып қоямын. Білгенге - маржан демекпін.