Алматы қаласы әкімдігінің Ішкі саясат басқармасына қарасты «Қоғамдық даму орталығы» КММ-нің басшысы болып Акильжанова Ляззат Токенқызы тағайындалды.
Ляззат Токенқызы 1976 жылғы 3 қазанда Абай облысында дүниеге келген. Қазақ мемлекеттік заң университетін және Қазтұтынуодағының Қарағанды университетін тәмамдаған. Мемлекеттік және жергілікті басқару мамандығы бойынша магистр дәрежесіне ие.
Еңбек жолында құқық қорғау органдарында, өкілді және жергілікті атқарушы құрылымдарда көпжылдық тәжірибе жинақтаған. Қарағанды қаласының Ішкі саясат бөлімі мемлекеттік мекемесінің басшысы, Қарағанды қаласы Қазыбек би ауданы әкімінің коммуналдық мәселелер жөніндегі орынбасары, Қарағанды қаласы әкімінің әлеуметтік мәселелер жөніндегі орынбасары қызметтерін атқарған. Тағайындалғанға дейін «Қоғамдық даму орталығы» КММ басшысының орынбасары болып жұмыс істеді.