Мәжіліс депутаты Қазыбек Иса ұлттық даму мен мемлекеттің іргесін бекемдеудің басты тетігі – ұлттық идеология екенін атап өтті.
Оның айтуынша, елімізді жаңа дәуірге жетелейтін саяси реформалар мен іргелі өзгерістердің табысты жүзеге асуы үшін ең алдымен бірлік пен ынтымақ қажет.
"Тәуелсіздіктің Көк туы көкте мәңгі желбіреуі үшін әрқайсымыз өз үлесімізді қосуға тиіспіз. Ұлт ретінде ұйысу – дамудың басты шарты. Бірегей ұлт қалыптастыратын ұлттық идеология болмаса, елдің болашағын баянды ету мүмкін емес," – деді ол.
Қазыбек Иса ұлттық руханият пен мемлекетшілдік ұстанымды дамыту Қазақстанның жарқын болашағының кепілі екенін атап өтті.