Алматыда сарапшылар Қазақстан мен Орталық Азияның геосаяси тұрақсыздық кезеңіне бейімделу мәселесін талқылады деп хабарлайды aqshamnews.kz.
Бүгін ҚазақҰУ-нің Халықарылық қатынастар факультетінде «Посткеңестік мемлекеттердің сыртқы саясатындағы Батыс векторы» атты халықаралық ғылыми-тәжірибелік конференция өтті. Ғылыми жиын факультеттің 30 жылдық мерейтойына орай Халықаралық қатынастар факультеті, Қауіпсіздік және ынтымақтастық мәселелері интитуты және Американдық демократиялық зерттеулер ресурстық орталығы бірлесіп өткізді.
Конференция барысында жаңа геосаяси жағдайда Еуропа және АҚШ-пен ынтымақтастықтың өзекті мәселелерін талқыланды. Оған АҚШ, Франция, Ресей, Армения, Қырғызстан, Өзбекстан және отандық жетекші ғалымдары мен сарапшылары қатысты. Сарапшылар турбуленттілік кезеңіндегі сын-қатерлер мен мүмкіндіктер, экономикалық және энергетикалық әріптестік, қауіпсіздік және дипломатия саласындағы ынтымақтастық, АҚШ-ң посткеңестік кеңістіктегі рөлі секілді тақырыптарда пікір алмасты.
Тақырып аясында Е. Сейлеханов, Б. Сұлтанов, Қ. Байзақова, Ф. Кукеева және еліміздің өзге де белгілі ғалымдары мен сарапшылары баяндама жасады. Сондай-ақ, конференция жұмысына шетелдік ғалымдар да белсенді қатысып, өз ойларын ортаға салды.
Талқы соңында спикерлер Қазақстан мен Орталық Азияның геосаяси тұрақсыздық кезеңіне бейімделу үдерісі күрделі екенін, соған қарамастан, сыртқы саясатын ұлттық мүддеге сай жүргізіп келе жатқаны жөнінде пікір ортақтықтастырды.