Асқар Маратұлы 1 ақпан күні компаниядағы жұмысы аяқталатынын айтты.
«ҚазАвтоЖол ҰК» АҚ басқарма төрағасы Асқар Маратұлы қызметінен кетті. Бұл туралы бұрынғы басшы Instagram-да жазды, деп хабарлайды Almaty-akhsamy.kz Inbusiness.kz cілтеме жасап.
Оның айтуынша, республикалық маңызы бар 3,6 мың шақырым жолға жөндеу жұмыстары жүргізілген.
«324 шақырым жол пайдалануға берілді. Сондай-ақ, Алматыдағы «Алтын Орда» базарының жол айрығында жол жүрісі қамтамасыз етілді. Қызылорда-Жезқазған жолының құрылысы бойынша барлық келісім рәсімдері өтті. Жоба биыл басталады. Жол бойында 20-дан аса қызмет көрсету нысаны ашылды. Әлемнің жетекші банктерімен ынтымақтастық туралы бірнеше келісімге, сондай-ақ ірі отандық компаниялармен көпжақты меморандумдарға қол қойылды», - деп жазды басқарма төрағасы.
Айта кетейік, 2021 жылғы 22 сәуірде Асқар Маратұлы «ҚазАвтоЖол ҰК» АҚ басқарма төрағасы қызметіне тағайындалған еді.