Мәжит Шәріпов 4 шілдесінен бастап өз еркімен кетеді.
Мәжит Шәріпов «Қазатомөнеркәсіп» ұлттық атом компаниясы» АҚ Басқарма төрағасы - Директорлар кеңесінің мүшесі қызметінен 2022 жылдың 4 шілдесінен бастап өз еркімен кететіні туралы айтты. Бұл туралы ақпарат аталмыш компанияның сайтында жарияланған, деп хабарлайды Almaty-akshamy.kz.
Компанияның Директорлар кеңесі "Қазатомөнеркәсіп" Басқарма төрағасы қызметіне кандидатураны іріктеу кезеңінде өндіріс жөніндегі бас директор Ержан Мұқанов Басқарма төрағасының міндетін атқаратын болады.
«Қазатомөнеркәсіптің Директорлар кеңесінің тәуелсіз мүшелері Шәріпов мырзаның бұл шешімін құрметтейді және «Самұрық-Қазына» АҚ мажоритарлық акционерімен бірлесіп, Басқарма төрағасы лауазымына лайықты кандидатты іріктеу үшін бар күш-жігерін салады», - делінген сайттағы хабарламада.