Мәдениет және ақпарат министрлігі онлайн-платформалар мен бұқаралық ақпарат құралдарына қатысты әкімшілік құқық бұзушылық туралы кодекске өзгерістер енгізу туралы құжат жобасын ұсынды, деп хабарлайды aqshamnews.kz
Телерадиоарналарды қазақ тіліндегі контентті сирек таратқаны үшін жазалау ұсынылды. Жоба 2025 жылдың 10 шілдесіне дейін көпшілік талқылауына шығарылған.
Ұсынылған негізгі өзгерістердің бірі – телеканалдар мен радиостанциялар үшін қазақ тіліндегі хабар тарату үлесі 55%-дан кем болмауы тиіс деген талапты енгізу. Бұл көрсеткіш 2025 жылғы 1 қаңтардан бастап күшіне енуі тиіс. Егер бұл талап орындалмаса, әкімшілік жауапкершілік көзделген.
Алайда бұл норманы бұзғаны үшін айыппұл көзделмеген, бұл өз кезегінде оның тиімділігіне күмән тудырады. Сонымен қатар, «Жарнама туралы» заң бойынша телерадиоэфирдегі жарнама көлемі тәуліктік жалпы уақыттың 20%-ынан аспауы тиіс. Бірақ бұл норманың ӘҚБтК-ге енгізілмегені медиа ұйымдарға талапты сақтауды қиындатады.
Аталған бастама "Ашық НҚА" платформасында қоғамдық талқылауға ұсынылған.