Республиканың басым бөлігінде ауа райы тұрақсыз болады.
25-27 қыркүйек күндері еліміздің бірқатар облысында қатты жел соғады, деп хабарлайды Almaty-akhamy.kz.
Республиканың басым бөлігінде ауа райы тұрақсыз болады. Бұған екі циклонның — солтүстік-батыс және оңтүстік, бірігуі ықпал етеді. Жаңбыр жауады, республиканың солтүстік жартысы мен шығысында жаңбырдың қарға ауысуы мүмкін. Жел күшейіп, түнде және таңертең тұман түседі.
«Республиканың батысында ауа температурасы түнде 7-15, күндіз 15-25-тен 10-20-ға дейін төмендейді. Солтүстік-батыста түнде 3 аяздан 5-ке, 3-11 жылыға дейін, күндіз 13-23-тен 3-13 жылыға дейін төмендейді. Елдің солтүстігінде және орталығында түнде термометрлер 2-7 аяздан 3-8 жылыға дейін, күндіз 10-20-дан 5-13 жылыға дейін болады деп болжануда. Республиканың шығысында ауа температурасы түнде 5 аяз 5 жылыға, күндіз 7-17 жылы аралығында. Республиканың оңтүстігі мен оңтүстік-шығысына келсек, түнде 5-15-тен 10-17-ге дейін жылы, күндіз 25-32-ден 18-25 градус жылыға дейін төмендейді деп күтілуде», – делінген «Қазгидромет» РМК.