Қылмыстық іс қозғалып, бірнеше адам ұсталды.
Қазақстан мен Өзбекстан шекарасында құпия жерасты жолы табылды, деп хабарлайды Almaty-akshamy.kz Өзбекстан мемлекеттік қауіпсіздік қызметіне сілтеме жасай отырып.
Үндістаннан Өзбекстанға Қазақстан арқылы кепілдендірілмеген сапалы дәрілік заттардың ірі партияларын жеткізумен айналысатын трансшекаралық қылмыстық топтың қылмысы ашылған.
Қауіпсіздік қызметінің мәліметтері бойынша, дәрі-дәрмектің кезекті партиясы Делиден Алматыға Ташкент арқылы транзитпен жеткізілген. Содан кейін Қазақстанның Түркістан облысы Сарыағаш ауданының шекара маңындағы Достық ауылына әкелініп, құпия туннель арқылы Ташкент облысындағы махаллаға жеткізілген.
Ұзындығы 310 метрлік туннель 1975 жылы туған махалла тұрғынының үйінен қазылған. Ол желдету және жарықтандырумен жабдықталған, сонымен қатар жүк тасымалдауға арналған арбалары мен арқандары бар.
Қылмыстық топтың болжамды мүшелерінен Үндістанда жасалған 107 дәрі-дәрмектің 17 048 пакеті тәркіленді, оның ішінде Альбумин, Ремдесивир, Меропенем және басқалары бар. Олардың жалпы құны 1 млрд сумнан астам сомаға (37,5 млн теңге) бағаланды.