«Қазгидромет» РМК ел аумағында 13 сәуірде болатын қауіпті метеорологиялық құбылыстарға болжам жасады.
Деректерге қарағанда, атмосфералық фронталды бөліктер Қазақстанның солтүстігі, орталығы мен оңтүстігінде өз әсерін сақтайтын болады, деп хабарлайды aqshamnews.kz.
- Найзағай ойнап, жаңбыр жауады, күндіз елдің солтүстігі мен орталығында қатты жаңбыр жауады. Республиканың қалған аумағында жауын-шашынсыз ауа райы болжанады. ҚР бойынша желдің күшеюі, тұман, оңтүстігінде дауыл, шаңды дауыл, солтүстігі мен орталығында бұршақ күтіледі, - делінген ақпаратта.
Түнде Батыс Қазақстан облысының батысы мен солтүстігінде, Ақтөбе облысының солтүстігінде, Қостанай, Ақмола, Солтүстік Қазақстан облыстарының батысында 3 градус үсік жүруі мүмкін.