Жетісу өңіріне АЭС салуды қолдайтын Халықтық штабтың құрамында келген Ядролық физика институтының бас директоры Саябек Сахиев елімізде өз АЭС-ін салуға жеткілікті ғылыми-техникалық база бар екенін атап өтті, деп хабарлайды aqshamnews.kz.
Алматының орталығында шамамен 60 жыл бойы сәтті жұмыс істеп келе жатқан шағын қуатты реактор бар, онда 700-ден астам маман қызмет атқарады. Осылайша, Қазақстан бейбіт атомды пайдалану және оның қауіпсіздігін қамтамасыз ету бойынша үлкен тәжірибе жинақтаған.
АЭС құрылысы — тек мемлекеттік жобаны қолдау ғана емес, сонымен қатар құрылыс саласының дамуына үлес қосу!
АЭС құрылысына мыңдаған білікті құрылысшылар мен мамандар қажет болады. Бұл тек атом станциясының құрылысы ғана емес, сонымен бірге оған қажетті инфрақұрылымды дамыту, қызметкерлерге арналған тұрғын үй мен әлеуметтік нысандар салу сияқты көптеген жобаларды қамтиды. Бұл дегеніміз, құрылыс компаниялары, соның ішінде "Темірбетон" ЖШС сияқты кәсіпорындар бірнеше жылға тапсырыстармен қамтамасыз етіледі.