40 млрд теңгеге азайды.
Ұлттық банк ұсынған мәлімет бойынша, қазақстандықтардың зейнетақы жинақтары, 2022 жылғы 1 мамырдағы жағдай бойынша, сәуір айында 0,3%-ға, яғни 40 млрд теңгеге азайып, 12 939,5 млрд теңгені құрады, деп хабарлайды Almaty-akshamy.kz Egemen.kz сілтеме жасап.
«2022 жылғы сәуірде зейнетақы активтерін инвестициялаудан түскен таза табыс 170,1 млрд теңгеге, 2022 жылғы 1 мамырдағы жағдай бойынша, 7 033,2 млрд теңгеге дейін азайды», - делінген ҚР Ұлттық банкінің хабарламасында.
Міндетті зейнетақы жарналары бойынша салымшылардың жеке зейнетақы шоттарының саны (зейнетақы жинақтары жоқ ЖЗШ-ны ескере отырып), 2022 жылғы 1 мамырдағы жағдай бойынша, 10,9 млн шотты құрады.
2022 жылдың сәуір айында зейнетақы төлемдерінің сомасы 34,6 млрд теңгеге жеткен.
2022 жылғы 1 мамырдағы жағдай бойынша, БЖЗҚ жиынтық инвестициялық портфелінің негізгі үлесін ҚР Мемлекеттік бағалы қағаздары мен ҚР эмитенттерінің мемлекеттік емес бағалы қағаздары (зейнетақы активтерінің жалпы көлемінің тиісінше 41,2% және 22,5%) алады.