Қазіргі уақытта эвакуациялау туралы 528 өтініш келді
Сыртқы істер министрлігінің ресми өкілі Айбек Смадияров Украинадағы Қазақстан азаматтарын елге қайтаруды ұйымдастыру процесіне қатысты мәлімдеме жасады, деп хабарлайды Almaty-akshamy.kz Baq.kz сайтына сілтеме жасап.
Айбек Смадияров қазір қазақстандықтарды елге жеткізу үшін Украина шекарасында 3 автобус тұрғанын айтты.
«Қазіргі уақытта эвакуациялау туралы 528 өтініш келді. Украинадан Польша арқылы 26 ақпан немесе 27 ақпанда алғашқы репатриациялық рейс жоспарлануда. Алдағы уақытта тағы да рейстер ұйымдастырылады. Қазір отандастарымыз 7 сағат бойы шекара кезегінде тұр. Себебі елден шыққысы келетіндер көп. Ел халқын сабырға шақырамыз. Біз қолдан келгеннің бәрін қарастырып жатырмыз», - деді ол баспасөз мәслихатында.
Оның атап өтуінше, шекарада тұрған алғашқы автобуста 49 адам, екінші автобуста 46 адам және тағы бір автобуста 79 адам бар.