Қазақстандық туристердің Әзербайжандағы шығындары БАӘ, Түркия және Ұлыбритания қонақтарының шығынынан асып түскен, - деп хабарлайды Аqshamnews.kz тілшісі.
Әзербайжандағы Mastercard менеджері Эмиль Зейналовтың жергілікті БАҚ алдында берген мәліметіне қарағанда, биыл елге 178 елден келген туристер келген. Туристер саны бойынша бес ірі ел қатарында Түркия, БАӘ, Ұлыбритания, Қазақстан және Сауд Арабиясы бар.
Зейналов атап өткендей, қазақстандық туристер премиум сегментке жатады және ең көп шығын жасайды.
Айта кетейік, Әзербайжан мемлекеттік шекара қызметінің мәліметіне сәйкес, 2025 жылдың алғашқы жеті айында елге шамамен 1,5 миллион шетелдік келген. Олардың ішінде 59 мыңнан астамы – Қазақстан азаматтары, бұл – жалпы туристердің шамамен 4 пайызы. Бұл көрсеткіш былтырға қарағанда 20,6 пайызға жоғары.
Сонымен қатар, биыл жазда әлеуметтік желілерде қазақстандықтардың Бакуда демалып жүрген видеолары көп тарады. #BakuIsCalling хештегімен жарияланған видеолар ондаған мың қаралым жинап, пайдаланушылар қала көрікті жерлері мен атмосферасы туралы әсерлерін бөлісті.
Жергілікті тұрғындар қазақстандық қонақтарға жылы қарағанын да атап өтті.