Қазақстан спортшылары Үндістанның Ахмедабад қаласында өтіп жатқан Азия чемпионатында көркем жүзуден үш алтын медаль жеңіп алды, деп хабарлайды Aqshamnews.kz тілшісі Ұлттық Олимпиада комитетіне сілтеме жасап.
Жарыстың алғашқы күнінде қазақстандықтар барлығы бес медаль еншіледі, оның үшеуі — алтын.
Жеке бағдарламада техникалық сайыстарда Карина Магрупова (240.1600 ұпай) мен Виктор Друзин (228.1708 ұпай) бірінші орынға ие болды.
Осы санатта Эдуард Ким күміс (223.5584), ал Ясмина Исламова қола жүлдені (204.0066) еншіледі.
Ал топтық еркін бағдарламада Қазақстан командасы 267.0639 ұпай жинап, Азия чемпионатының алтын медалін жеңіп алды.
