Қоғамдық саясат институты 4-5 қыркүйек күндері АЭС құрылысы бойынша алдағы референдум туралы қазақстандықтардың пікірін білу үшін сауалнама жүргізді, деп хабарлайды aqshamnews.kz.
Нәтижелері қандай?
Сауалнама көрсеткендей, респонденттердің 74,6%-ы референдумнан хабардар, ал 25,4%-ы бұл туралы тек сауалнама барысында ғана білген. Не дегенмен, кеш болса да, хабардар болу жақсы ғой, солай емес пе?
«Дауыс бересіз бе?» деген сұраққа 45,5%-ы «иә» деп нақты жауап берсе, тағы 12,3%-ы «мүмкін, барамын» деген уәжді алға тартқан. Яғни, 57,8%-ы 6 қазанда өз таңдауын жасауға дайын.
Ал АЭС құрылысы бойынша пікір қандай? Бұл жерде АЭС-ке қатысты көзқарастар екіге бөлінді: 59,3%-ы бұл идеяны қолдаса, 28,3%-ы қарсы, ал 12,4%-ы әлі ойлану үстінде екен.
Дегенмен, бәрі белсенді емес: респонденттердің 9,7%-ы «мүмкін бармаймын» десе, 18,7%-ы референдумға мүлдем қатыспайтынын айттқан.
Сауалнама барлық талаптарға сәйкес жүргізіліп, еліміздің әртүрлі өңірінен 2000 адамның пікірі ескерілді. Сондықтан бізде қазақстандықтардың маңызды дауыс беру қарсаңындағы көңіл-күйлері туралы нақты түсінік бар.