Жасанды интеллект және цифрлық даму вице-министрі Ростислав Коняшкин осылай деп отыр. Сөзінше, күні кеше ХҚКО-ларға барғандар саны көп болған. Ол мұндай жағдай жаңа қызметтер іске қосылғанда ғана болмайтынын, мерекелерден кейін де байқалатынын атап өтті.
«Кеше көліктерге «әдемі» нөмірлерді таңдау қызметі іске қосылды. Қателеспесем, еліміз бойынша осы қызметке шамамен 11 мың өтініш берілген», – деді вице-министр.
Ростислав Коняшкиннің айтуынша, осы аптада e-Gov мобильді қосымшасы арқылы бұл қызметті онлайн режимде іске қосу жоспарланған. Сондай-ақ, «Азаматтарға арналған үкімет» те өз сервисін әзірлеп жатыр.