Бүгін таңертең Activ/Kcell абоненттері тағы да ұялы байланыстың нашарлау проблемаларына шағымданды, деп хабарлайды Almaty-akshamy.kz.
«Жұмыс сапасын арттыру және 5G-ге көшу үшін ұялы байланысты күшейту мақсатында желіні жаңарту жұмыстары атқарылды. Қазіргі кезде барлық қызметтің жұмысы толық қалпына келтірілді», - деп жауап берді компания баспасөз қызметінен.
Айта кетейік, биыл 17 шілде күні Kcell компаниясы еліміздің кейбір өңірлерінде ұялы байланыс интернеті бойынша проблема бар екенін растады.