Сыртқы істер министрлігінің ресми өкілі Айбек Смадияров болған жайтқа қатысты ресми мәлімдеме жасады, деп хабарлайды аlmaty-akshamy.kz.
«Қазақстанның консулы бұл ақпарат жарияланғаннан кейін осы іске қатысты бірден Грекия билігіне хабарласты. Полицияның мәліметіне сәйкес, ұсталғандар арасында Қазақстан азаматтары жоқ және оларға ешқандай да талаптар қойылмаған», - деген ақпаратпен бөлісті Айбек Смадияров.
Айта кетсек, бұған дейін шетелдік БАҚ Грекияның Гидра аралында яхтада демалған қазақстандық туристер өрттің шығуына себеп болды деген ақпар тарады. Ақпаратта айтылғандай, өрт орманға дейін жеткен.
Еске салсақ, қазақстандық туристердің кесірінен Грекияда тұтас арал отқа оранды деген ақпарат тараған болатын.