Қазақстандық теннисшілер Денис Евсеев пен Бейбіт Жукаев жұптық сында Канзас штаты Уичито қаласында (АҚШ) өтіп жатқан ITF турнирінің жартылай финалына шықты, деп хабарлайды Almaty-akshamy.kz ҚазАқпаратқа сілтеме жасап.
Жарыстың үшінші ракеткалары болып тіркелген қазақстандық жұп ширек финалда ұлыбританиялық Дэвид Фокс – жапониялық Сюити Секигутимен шеберлік байқасты. Бірінші партияда Д.Евсеев пен Б.Жукаев 6:3 есебімен басым түсті.
Екіншісінде де сол қарқындарынан жаңылған жоқ – 6:2. Матч бір сағатқа жуық уақытқа созылды. Қазақстандық жұп финалға шығу үшін доданың екінші ракеткалары, тайбэйлік Сюй Юй Юй – жапониялық Юта Шимизумен таласады. Еске сала кетейік, бұдан бұрын қазақстандық теннисшілердің АҚШ-тағы турнирді жеңіспен бастағанын, Анна Данилинаның Еуропадағы жарыстың финалына жолдама алғанын жазған болатынбыз. Сондай-ақ АҚШ-тағы турнирдің ширек финалында қазақстандық теннисшілер өзара кездеседі.