Қазақстандық оқушылар Қытайда өткен чемпионатта марапат алды, - деп хабарлайды aqshamnews.kz тілшісі.
Жетісу облысы білім басқармасына қарасты дарынды балаларға арналған Жыланды мамандандырылған лицей-интернатының оқушылары Шанхай қаласында мамырда өткен халықаралық FIRST Tech Challenge чемпионатында Connect Award марапатына ие болды.
Бұл – тек робот құрастыру жарысы емес, бұл — ғылым, технология, инженерия және математика (STEM) саласындағы үздік жетістіктер мен командалық рухты бағалайтын зияткерлік дода.
Біздің Water7 командасы STEM қауымдастығымен тығыз байланыс орнатып, өзінің даму жоспары мен әлеуметтік жауапкершілігі арқылы сарапшылардың жоғары бағасына ие болды.
Бұл жетістік – оқушыларымыздың ізденісі мен еңбегінің, тәлімгерлердің қолдауы мен бағыт-бағдарының, сондай-ақ білім басқармасының сенімі мен қолдауының нақты нәтижесі.