FIRST GLOBAL CHALLENGE турниріне 180 мемлекет қатысты.
Қазақстандық мектеп оқушылары беделді робототехника жарыстарында бірінші орынды жеңіп алды, деп хабарлайды Almaty-akshamy.kz
17 жастағы бағдарламашы Жантөре Бисенғали роботтың механизмі туралы әңгімелеп берді. Робот басқарудағы машина принципі бойынша жұмыс істейді. Бірақ ол қосымша функцияларды да орындайды.
«Джойстик driverhub жүйесіне қосылған. Бұл - Android-телефон, планшет. Ол басқару хабына Wi-Fi арқылы қосылған, оны роботтың миы деп атауға болады», - дейді Жантөре Бисенғали.
Қазақстандық команданың құрамында 15 пен 17 жас аралығындағы бес оқушы бар. Байқаудың тақырыбы - жаһандық жылыну. Үй роботы көмірқышқыл газын мүмкіндігінше жылдамдықпен сіңіруі керек еді, оның рөлін қарапайым пластикалық шарлар атқарды.
«Біздің робот бірнеше рет ең жоғары көрсеткішке қол жеткізді. Жарысқа жиналған ұпайлар бойынша рекордты бірнеше рет жаңарттық. Бізге біразы таңғалды, өйткені олар Қазақстан туралы жиі естімейтін еді. Бұл жолы мүмкіндігінше өз біліктілігімізді, кәсібилігімізді көрсетуді жөн көрдік», - деді команданың мүшесі Марғұлан Тұрғанбек.
Сонымен бірге жарыстарда Қазақстан бірден үш жоғары марапатқа ие болған жалғыз ел болды: ең жоғары балл жинағаны үшін, қозғалысты дамытуға қолдау көрсеткені үшін және роботтың техникалық шеберлігі үшін.