Қолымызда бар агротехнологияларды тиімді пайдалану қажет - ҚР АШМ министрі
ҚР Ауыл шаруашылығы министрі Ербол Қарашөкеев қазақстандық өнімдерге, атап айтқанда, күнбағыс тұқымдары, ұн, бидай мен майлы дақылдарға экспорттық сұраныс өсетінін айтты, деп хабарлайды Almaty-akshamy.kz
«Біз қазір күнбағыс тұқымына, майлы дақылдарға, бидай, ұн және осы өнімдерді өңдеудің барлық спектріне сұраныс артады деп болжай аламыз. Біздің міндетіміз - бұл сұранысқа дайын болу және алдымен қазақстандықтардың жеке қажеттілігін қанағаттандырып, артығын экспортқа шығару мақсатында әрекет ету», - деді Ербол Қарашөкеев.
Министрдің айтуынша, азық-түліктің барлық түрі, соның ішінде күнбағыс майы мен ұн да біршама қымбаттады.
«Біз барлық алқаптарды барынша егіп, жақсы өнім алуымыз керек. Қолымызда бар агротехнологияларды тиімді пайдалану қажет», - деді министр.